Утверждена молитва перед иконой Божией Матери «Смоленская-Белгородская»

Священный Синод утвердил текст молитвы перед иконой Божией Матери «Смоленская-Белгородская».

Текст молитвы для общецерковного богослужебного употребления был утвержден на заседании Синода 15 мая 2025 года (журнал № 39).

Молитва Пресвятой Богородице пред Ее иконой, именуемой «Смоленская-Белгородская»

О Пречудная Царице Богородице, Небеснаго Царя Христа Бога нашего Мати, Пречистая Одигитрие Марие, земли Белоградския изрядная Заступнице и Хранительнице!

Приими усердное моление наше, со умилением Тебе приносимое, и якоже древле во мраце полунощи честною иконою Твоею град наш осияла еси, тако и ныне просвети нас, грешных, Светом Божественным, ко спасению путь нам указующи.

О Всеблагая Путеводительнице наша! Избави нас от всякия злобы и напасти, беды и скорби, глада и болезни, наипаче же от страстей, борющих нас, и от окамененнаго нечувствия.

Сердцем сокрушенным и с твердым упованием молим Тя: Матерним Твоим предстательством испроси нам у Сына Твоего и Бога нашего в вере и благочестии утверждение, старым укрепление, юным целомудрие, заблуждшим вразумление и всем вся ко спасению потребная, да под Покров Твой прибегающе и помощи у святителя и чудотворца Иоасафа и всех святых земли нашея просяще, присно прославим в Троице Святей славимаго Бога, Отца и Сына и Святаго Духа, во веки веков. Аминь.