МОЛИТВА РАВНОАПОСТОЛЬНОМУ КНЯЗЮ ВЛАДИМИРУ

Каждый «Вечер на Спасе» мы завершаем молитвой.

Князь Владимир размышлял о единобожии. В 987 году совместно с советом старейшин и представителями воинской дружины князь Владимир принял решение в пользу греческой веры – святого Православия. Он принимает святое крещение с именем Василий и этим именем роднится с византийским императором. Он приглашает греческих епископов, ученых, способствует массовому крещению своих подданых, отменяет смертную казнь, устраивает первые благотворительные столовые, строит города и много сил отдает вопросам просвещения, даже сам пишет первый Церковный устав. 

Сегодня мы читаем молитву равноапостольному князю Владимиру, во Святом Крещении Василию. 

Сохраните себе и поделитесь с близкими! Присоединяйтесь к этой молитве!

Сотни тысяч зрителей Спаса у экранов и в сети интернет сделают эту молитву соборной, а значит особенно сильной. 

Помоги нам всем Бог. Молимся.

Текст Молитвы равноапостольному князю Владимиру, во Святом Крещении Василию

О, вели́кий уго́дниче Бо́жий, богоизбра́нный и богопросла́вленный, равноапо́стольный кня́же Влади́мире! Ты, злове́рие и нече́стие язы́ческое отри́нув, во Еди́наго и́стиннаго Триипоста́снаго Бо́га уве́ровал еси́, и восприи́м Свято́е Креще́ние, всю страну́ Русскую све́том Боже́ственныя ве́ры и благоче́стия просвети́л еси́. Те́мже премилосе́рдаго Творца́ и Спаси́теля на́шего сла́вяще и благодаря́ще, сла́вим и благодари́м и тя, просвети́телю наш и О́тче, я́ко тобо́ю спаси́тельную ве́ру Христо́ву позна́хом и во и́мя Пресвяты́я и Пребоже́ственныя Тро́ицы крести́хомся. Се́ю у́бо ве́рою от пра́веднаго осужде́ния Бо́жия изба́вихомся, от ве́чныя же рабо́ты диа́волу и а́дова мучи́тельства свободи́хомся; се́ю же ве́рою благода́ть всыновле́ния Бо́гу и наде́жду насле́дования Небе́снаго блаже́нства прия́хом. Темже тя я́ко пе́рваго язы́ка на́шего путевождя́ к Нача́льнику и Соверши́телю спасе́ния на́шего Го́споду Иису́су Христу́ прославля́ем, и предста́теля тя пред Престо́лом Царя́ ца́рствующих о ца́рстве Всеросси́йстем позна́хом, о царе́х же его́, народоправи́телех, во́инстве и о всех лю́дех. Не возмо́жет язы́к наш изобрази́ти вели́чие и высоту́ благодея́ний, тобо́ю излия́нных на зе́млю на́шу, отцы́ и пра́отцы на́ша и на ны недосто́йныя. О преблаги́й О́тче и просвети́телю наш! При́зри на не́мощи на́ша и умоли́ премилосе́рдаго Царя́ Небе́снаго, да не прогне́вается на ны зело́, я́ко по не́мощем на́шим по вся дни согреша́ем, и да не погуби́т нас со беззако́ньми на́шими, но да поми́лует и спасе́т нас по ми́лости Свое́й, да всади́т в сердца́ на́ша покая́ние и спаси́тельный страх Бо́жий, да просвети́т Свое́ю благода́тию ум наш, во е́же оста́вити нам стези́ нече́стия и на путь спасе́ния обрати́тися, неукло́нно же за́поведи Бо́жия твори́ти и уста́вы Святы́я Це́ркве соблюда́ти. Моли́, благосе́рде, Человеколю́бца Бо́га, да яви́т нам вели́кую ми́лость Свою́: да изба́вит нас от наше́ствия иноплеме́нных, от мяте́жей и раздо́ров, от гла́да, смертоно́сных боле́зней и от вся́каго зла; да пода́ст нам благорастворе́ние возду́ха и плодоно́сие земли́; да соблюде́т в судия́х и прави́телех пра́вду и ми́лость; да даст па́стырем ре́вность о спасе́нии пасо́мых, всем же лю́дем любо́вь взаи́мную и единомы́слие, о преспе́янии же оте́чества и Святы́я Це́ркве при́сное попече́ние, да умно́жит свет спаси́тельныя ве́ры в стране́ на́шей, неве́рующия ко правове́рию да обрати́т, е́реси же и раско́лы да низложи́т, да вси мы, та́ко в ми́ре на земли́ пожи́вше, сподо́бимся с тобо́ю ве́чнаго блаже́нства, хва́ляще и превознося́ще Бо́га во ве́ки веко́в. Ами́нь.